Во новото, дополнето соопштение на Српската православна црква за посетата на рускиот митрополит Иларион на Скопје, БЈРМ е заменето со Р.Македонија, но за Македонската православна црква-Охридска архиепископија сè уште се користат термините „самопрогласена“ и „неканонска“.
Светиот архиерејски синод на Македонската православна црква-Охридска архиепископија по посетата на митропилитот Иларион, соопшти дека ја прифаќа иницијативата на Руската православна црква да даде придонес за обновување и успешно реализирање на дијалогот меѓу МПЦ-ОА и Српската православна црква и побара од македонските власти милост за поранешниот митрополит Јован Вранишковски заради, како што беше наведено, повисоки цели.
Г. Иларион во Скопје се сретна со поглаварот на МПЦ-ОА, г.г. Стефан, со претседателот Ѓорге Иванов и со премиерот Никола Груевски.