Со 64 гласа „за“, ниту еден против или воздржан, попладнево на четвртата седница, Собранието на Република Македонија го укина екстерното тестирање. Беа направени измени на три закони – за основно образование, за средно образование и законот за во наставници во основното и во средното образование.
Епилогот на гласањето беше аплауз во салата, во која отуствуваа пратениците на ВМРО-ДПМНЕ.
Како единствен претставник од ВМРО-ДПМНЕ, Владимир Ѓорчев претходно истакна дека поради инцидентот со пукањето врз поранешниот министерот за здравство, Никола Тодоров, нема да учествуваат во расправата и побара таа да се одложи.
Законите беа предложени од пратеници на предизборната коалиција на СДСМ.