Во сударот кој синоќа се случи околу 21 часот помеѓу булеварите Партизански одреди и Свети Климент Охридски во центарот на Скопје учествувале повеќе возила. Едно од возилата удрило и во споменикот на Свети Климент Охридски.
Повредени се неколку луѓе, од кои едно 20-годишно момче имало потешки повреди. Покрај полицијата, интервенирала и Итната помош.
Автомобил по судирот се удрил во споменикот на Свети Климент Охридски, при што од јачината на ударот се активирале и воздушните перничиња.
Сообраќајната несреќа се случила на влажен коловоз и по студено време. За време на интервенцијата и увидот, сообраќајот се одвиваше отежнато.