Северна Кореја, на брегот на реката Апнок во Синуј, отвори безвизна зона за кинеските туристи, јавуваат кинеските медиуми.
Кинеските посетители ќе можат да се задржат еден ден и, покрај во купување, да уживаат и во севернокорејските специјалитети, но нема да можат да одат во други делови од земјата.
Туристичката зона од 130.000 квадратни метри се наоѓа на место каде неодамна е завршен мостот преку реката Апнок.
Тука се наоѓаат ресторани и театар, а може истовремено да прими до 10.000 туристи.