Властите на Северна Кореја копаат нов тунел на место предвидено за нуклеарни тестирања, објавија денеска локалните медиуми, повикувајќи се на неименуван претставник.
Пјонгјанг на 20 октомври најави дека се подготвува за уште една нуклеарна проба, напоменувајќи дека тестот не е опасен.
Откако се повлече од спогодбата за нуклеарно оружје, ратификувана во 1985 година, Северна Кореја во 2003 година повторно им се придружи на САД, Русија, Кина, Јапонија и на Јужна Кореја во преговори за денуклеаризација на Корејскиот Полуостров.
Пјонгјанг потоа се повлече од преговорите и себеси се прогласи за нуклеарна сила во 2005 година и изведе нуклеарни проби во 2006, 2009 и во 2013 година.
Властите на Северна Кореја никогаш не објавија колку нуклеарно оружје поседува.
Нуклеарните активности на Северна Кореја се предмет на меѓународна осуда.