Опозициската коалиција, предводена од СДСМ, од утре влегува во Собранието, во согласност со дел од Договорот од Пржино, потпишан од четирите најголеми политички партии на 2 јуни и на 15 јули за надминување на политичката криза.
Во меѓувреме, течат разговорите на работните групи, а на 15 септември треба да се избере специјален јавен обвинител, кој ќе работи на случаите со прислушувањето.
Опозицијата на парламентарните избори лани освои 34 пратенички места, но три нивни пратенички, Солза Грчева и Љубица Буралиева од СДСМ и Роза Топузовска Каревска од ЛДП, не ја почитуваа партиската одлука за бојкот и останаа во Собранието.
Во меѓувреме, тие беа исклучени од нивните партии.