Владата на денешната седница донесе неколку одлуки за кадровски решенија во институциите кои се во нејзина надлежност.
На предлог на Комисија за именување, Владата донесе одлука Бајрам Реџепи да го избере за член на Одборот на директори на Акционерско друштво за вршење на енергетски дејности Национални енергетски ресурси Скопје во државна сопственост.
Со одлука на Владата, Фарук Омери денеска е разрешен од должноста в.д. директор на Управата за јавни приходи (УЈП), а со друга одлука Сања Лукаревска е именувана за в.д. директор на УЈП.
Владата денеска му предложи на Управниот одбор на Фондот за иновации и технолошки развој да ја именува Моника Јованова за претседател на Управниот одбор на Фондот.
На оваа седница Владата го именуваше Фатмир Арифи за в.д. директор на Државниот инспекторат за градежништво и урбанизам, информираат од владината прес-служба.