Tретиот годишен самит кој годинава ќе го организира платформата „Македонија 2025“ ќе се случува од 18 до 20 ноември во Скопје. Темата ќе биде, како преку трансформативно лидерство и напредни технологии да се дојде до економски развој на земјата.
Фокусот на годинешниот самит е како да се поврзе Македонија со поширокиот регион, имајќи ги предвид глобалните движења и нивните влијанија на економиите во развој. Самитот претставува платформа за воспоставување комуникација помеѓу македонската деловна заедница и гостите од странство, за да се трасира патот на развојот на домашната економија.
Самитот е наменет за сите компании, организации и поединци кои се засегнати со темата одржлив развој на економијата на Македонија, но и воспоставување деловни односи со меѓународни партнери.
„Македонија 2025“ организираше два самити во Охрид, како и два бизнис-форуми во Торонто и во Париз. Овие настани резултираа со повеќе од 30 работни сесии на кои учествуваа 100 говорници од Македонија и од 40 други земји од светот, кои ги проследија повеќе од 900 гости. Од оваа интеракција произлегоа 200 билатерални средби помеѓу компаниите.