Новиот премиер на Грција, Алексис Џипрас, синоќа при пристигнувањето во својата нова официјална резиденција се шокирал кога забележал дека администрацијата во заминување со себе ги зела компјутерите, документите, па дури и средствата за хигиена, пишува британскиот весник „Гардијан“.
– Тие собрале сè. Ми требаше еден час за да најдам сапун – рече Ципрас.
Традиционално, поразениот грчки премиер останува во резиденцијата до доаѓањето на неговиот наследник за да му честита и за да му посака среќа. Сепак, како што пишува весникот, Андонис Самарс веројатно толку брзал за да замине, што не им ја оставил ни лозинката за вифи-мрежата.
– Седиме во темнина. Немаме ниту интернет, ниту е-меил, немаме како да комуницираме едни со други – изјавил еден од персоналот на Ципрас за германскиот весник „Шпигел“.
Ципрас дури синоќа успеал да ја добие лозинката за официјалниот твитер-профил на грчкиот премиер. Во својот прв „твит“, Ципрас ја повтори заклетвата, која ја даде 24 часа претходно, ветувајќи дека ќе го почитува Уставот и секогаш ќе им служи на интересите на грчкиот народ.
Сепак, новата администрација сè уште има проблеми со целосно преземање на системот. Седумдесет и два часа по завршувањето на изборите, на официјалната веб-страница на грчката влада за премиер е наведен Самарас.
I’m *sure* this chap isn’t the Greek prime minister any more http://t.co/uRWWUkfpSH (photo taken 6pm GMT Tuesday) pic.twitter.com/WQiQiwxuhK
— Graeme Wearden (@graemewearden) January 27, 2015