Двајца офицери на Федералната служба за безбедност на Русија и високопозициониран менаџер на компанијата „Касперски“ се уапсени во Русија.
Како што пренесуваат руските медиуми, уапсените се обвинети за предавство во полза на интересите на САД.
Адвокатот Иван Павлов рекол дека се уапсени шефот на истражната единица за компјутерски инциденти, Руслан Стојанов, вишиот службеник на ФСБ, Сергеј Михаилов, и неговиот заменик Дмитри Докулајев.
Павлов не откри кого од нив застапува, но истакна дека неговиот клиент ги отфрла обвиненијата.