Судското рочиште за „Пуч“ повторно е одложено, за 13 ноември во 10 часот. Лидерот на СДСМ, Зоран Заев, не се појави на рочиштето, но неговиот адвокат Филип Медарски приложи доказ дека тој е на претходно договорен состанок со меѓунареден инвестициски фонд за развој.
По завршувањето на рочиштето, адвокатот на Зоран Верушевски, Ангеле Илиевски, рече дека не се знае дали и наредното рочиште ќе се одржи.
– Сè зависи од власта. Ако тие престанат со опструкции на специјалниот јавен обвинител и ѝ го комплетираат тимот, за да може да го преземе случајот „Пуч“, тогаш процесот ќе може да продолжи – рече Илиевски.