Просечната месечна исплатена нето-плата, во април 2015 година, изнесува 21.746 денари, а просечната месечна исплатена бруто-плата за истиот период изнесува 31.939 денари, објави денеска Државниот завод за статистика
Индексот на просечната месечна исплатена нето-плата, во април годинава, во однос на април минатата година, изнесува 102,7.
Ваквото зголемување се должи, пред сé, на зголемувањето на просечната месечна исплатена нето-плата во секторите рударство и вадење на камен (32,9 проценти), уметност, забава и рекреација (9,8 проценти) и други услужни дејности (9,5 проценти).
Зголемување на просечната месечна исплатена нето-плата, во однос на претходниот месец е забележано во секторите стручни, научни и технички дејности (7,3 проценти), транспорт и складирање (4,3 проценти) и информации и комуникации (3,7 проценти).
Во април 2015 година, 1,5 процент од вработените во Македонија не примиле плата.