Бугарската социјалистичка партија (БСП) го враќа третиот мандат за формирање влада, со што Бугарија наскоро повторно ќе организира предвремени парламентарни избори, јави бугарскиот онлајн-медиум mediapool.bg.
Социјалистите денеска побараа претседателот Румен Радев да ги прими во понеделник за да го вратат мандатот, но тоа сепак ќе се случи во вторник.
„Баравме решение за излегување од политичката криза. Ги поканивме сите лидери на парламентарните партии. Ги оценивме разговорите извршени денеска. Ги оценивме моќните чекори за понатаму и решивме: го враќаме третиот мандат“, изјави за новинарите во бугарскиот парламент претседателката на БСП, Корнелија Нинова.
Според уставот, откако ќе биде вратен и третиот мандат, претседателот треба да распише предремени парламентарни избори, но нема прецизни одредници кога треба да бидат распишани. Сепак, неофицијални очекувања се предвремените избори да се случат на 26 март или на 2 април, пишува mediapool.bg.
Ова ќе бидат петтите парламентарни избори во Бугарија за неполни две години. Последните, исто така предвремени избори, се одржаа во октомври лани.