Во библиотеката „Искра“ во Кочани, денеска ќе се одржи промоција на романот „Утринска молитва“ од Петко Шипинкаровски.
На свеченоста, во име на издавачот „Македонија презент“ од Скопје, ќе се обрати главниот и одговорен уредник, Христо Петрески.
Осврт за романот на Шипинкаровски и критички приказ за вредностите на ова издание ќе даде истакнатиот македонски писател, литературен критичар и историчар на македонската литература, Васил Тоциновски.
Во значајното литературно творештво на Шипинкаровски се вбројуваат осум романи, збирки раскази, повеќе поетски книги и други трудови.