Денеска во Клубот на пратеници продолжија преговорите на политичките партии за реформите во медиумите што треба да се направат во согласност со Договорот од Пржино.
Претставниците на политичките партии и белгискиот олеснувач Питер Ванхауте не сакаа да коментираат пред средбата за можниот тек на преговорите и за изгледите за брзо решение.
Се очекува политичките партии да договорат нов состав за советот на Агенцијата за медиуми, да се промени раководството на МРТВ, како и тоа на МИА, со што овие тела би се ослободиле од влијанието на партијата на власт, а веројатно една од жешките теми ќе биде и забраната за политичко рекламирање.