Пожарот кој вчера во 1.50 часот по полноќ изби во магацин во подрумот на станбена зграда во Чаир сè уште е активен, соопштува Центарот за управување со кризи (ЦУК).
„Пожарот е проширен и на станбена зграда, на приземните дуќани, а имаше многу густ црн чад, поради што евакуирани се повеќе од жителите на зградата. Од Итната медицинска помош во 14.25 часот, известиле дека имаат дадено прва медицинска помош на 10 деца, 21 возрасен, 1 пожарникар и 1 бремена жена“, велат од ЦУК.
Дополнително како помош на БППЗ на Град Скопје пристигнало специјално противпожарно возило на АРСМ. А во моментов на терен се 3 ПП возила од БППЗ на Град Скопје (Општина Чаир).
Екипа од Мета.мк вчера отиде до зградата на ул. „Прохор Пчињски“, каде станарите раскажуваа за како гледале чад од вентилацијата и вц школките на своите станови. Некои од нив преспале кај роднини, други биле принудени да преноќат во своите возила.
Сведочења за пожарот во Чаир: Преноќувавме во своите возила додека чад излегуваше од вентилацијата