Во Прилеп утре почнува годинешниот „Пиво-фест“. Се очекуваат повеќе илјади гости од земјава и од странство. Организаторите потврдуваат дека сè е подготвено за годинешната манифестација.
Се поставуваат штандовите, се местат бините, се прават последните координативни состаноци за сè да помине како што треба. Во градот има капацитет за паркирање на повеќе од 20.000 возила и сите гости што ќе доаѓаат со моторни возила ќе бидат причекани уште на самите влезови на градот и ќе бидат упатени таму каде што ќе има слободно место за паркирање.
На 20.000 квадратни метри се поставени околу 30 штандови. Хотелските капацитети и приватното сместување се речиси исполнети, а место се бара и во околните градови. Поради подобра услуга, продолжено е работното време на сите трговски и угостителски објекти во градот.