Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе одлука со која цените на горивата ќе се зголемат. Одлуката стапува на сила 1 минута по полноќ
Одлука со која се врши зголемување на малопродажните цени на нафтените деривати во просек за 1,36% во однос на одлуката од 15.1.2024 година
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на ЕУРОДИЗЕЛ (Д-Е V) се зголемуваат за 1,5 ден/лит, додека малопродажната цена на Екстра лесното масло за домаќинство на (ЕЛ-1) се зголемува за 1 ден/лит.
Одлуката за новите цени се образложува со порастот на референтните цени на нафтените деривати на светскиот пазар во споредба со претходната пресметка.
Од полноќ, цените на нафтените деривати ќе изнесуваат:
Моторен бензин ЕУРОСУПЕР БС – 95 = 78 денари/литар
Моторен бензин ЕУРОСУПЕР БС – 98 = 80 денари/литар
Дизел гориво ЕУРОДИЗЕЛ БС (Д-Е V) = 75 денари/литар
Масло за горење Екстра лесно 1 (ЕЛ-1) = 74,5 денари/литар
Мазут М-1 НС = 41,732 денари/килограм