Откако синоќа бил пријавен за исчезнат, поранешниот воен разузнавач Горан Софески утринава е пронајден мртов во шумскиот појас во близина на селото Раштани, пет километри од Кичево. Во тек е увидот на местото на настанот.
Софески последен пати бил виден синоќа, кога излегол од дома на спортски лов и не се вратил. Утринава, околу 7 часот, бил пронајден мртов од случаен минувач.
Според МВР, на 22 ноември 2015 година, во полициската станица во Кичево, З.К. пријавил дека истиот ден неговиот братучед Г.С. (44) се упатил над село Раштани на спортски лов и не се вратил.