Шефот на македонската дипломатија, Никола Попоски, денеска престојува во работна посета на Кралството Норвешка.
Попоски за време на посетата ќе се сретне со норвешкиот министер за надворешни работи, Борге Бренде, како и со министерот за одбрана, Ине Ериксен Сореиде.
За време на средбите, како што соопштија од МНР, се очекува да бидат разменети мислења за продлабочување на билатералните односи, за поддршката од Кралството Норвешка на интеграцијата на Република Македонија во ЕУ и во НАТО, како и за актуелни прашања од меѓународната агенда.
Министерот, исто така, ќе се сретне и со претставници на комисијата за надворешна политика и одбрана на норвешкиот парламент.