Шефот на македонската дипломатија, Никола Попоски, денеска во Брисел ќе учествува на конференцијата „Проширување, економски пораст и управување”.
Конференцијата, која ја организираат Советот за регионална соработка (СРС), Канцеларијата на Баден-Виртемберг на ЕУ и Европскиот фонд за Балканот, се одржува во рамки на денот на регионалната соработка.
Министерот Попоски ќе има свое обраќање, во кое ќе ја истакне потребата за унапредување на регионалната соработка и за интегрирање на сите земји од регионот во евроатлантските структури.