Специјални полициски единици два часа по избувнувањето на насилствата во Собранието, по изборот на Талат Џафери за нов спикер, почна со обиди за истиснување на демонстрантите кои го „зазедоа“ Собранието. Во Собранието, одекнуваат татнежи од шок-бомби. Според последните информации, во Собранието е исклучена електричната енергија и осветлувањето.
Голем дел од демонстрантите во Собранието почнаа да се движат и да излегуваат од главниот влез на законодавниот дом.
Влезовите на Собранието се блокирани од групи демонстранти, кои не дозволуваат полицијата да ги изнесе пратениците.
Поголем број полицајци пристигнаа во Собранието откако демонстрантите успеаја да го пробијат првичниот полициски кордон и да влезат внатре. Внатре демонстрантите нападнаа дел од пратениците на СДСМ. Меѓу повредените пратеници се лидерот на СДСМ, Зоран Заев, неговите колеги Дамјан Манчевски и Максим Димитриевски, и пратеникот на Алијанса за Албанците, Зијадин Села.