Двајцата најпознати карикатуристи на францускиот сатиричен неделник „Шарли ебдо“, кои заедно со уште 10 колеги беа убиени при минатонеделниот напад на џихадистите во Париз, денеска се погребани, еден ден откако е објавен новиот број на весникот кој беше распродаден за десеттина минути.
Жорж Волински (80) и Бернар „Тињу“ Верлак (57) се погребани на приватна семејна церемонија на париските гробишта, додека нивниот колега Жан Каби (76) е погребан вчера, во областа Шампањ-Арден, а некои од жртвите на нападот ќе бидат погребани утре.
People carry coffin of Bernard '#Tignous' Verlhac, one of #CharlieHebdo's cartoonists, at town hall of #Montreuil #AA pic.twitter.com/KoshdzVDJy
— Anadolu Images (@anadoluimages) January 15, 2015
За време на тридневните напади во Франција загинаа 17 лица.
„Шарли ебдо“ вчера го објави своето прво издание по кобниот напад, а на насловната страница прикажа карикатура од пророкот Мухамед со насолзени очи како држи табла со натпис „Јас сум Шарли“, под слоган „Сè е простено“, што предизвика бурни реакции во некои делови од муслиманскиот свет.