Општина Центар денеска поднела пријава против ВМРО-ДПМНЕ поради нарушување на јавниот ред и мир со гласната прослава на синоќешното распуштање на Собранието, во седиштето на партијата.
Од Општината денеска соопштија дека ноќеска голем број граѓани, жители на Центар, пријавиле дека се вознемирени од бучавата и од гласната музика што доаѓала од седиштето на ВМРО-ДПМНЕ.
„Надлежните од општинскиот сектор за инспекциски работи излегоа веднаш на терен и констатираа дека во периодот од 23 до 23.50 часот е нарушен јавниот ред и мир. Констатирана е бучава над дозволеното ниво, за што постои видео и аудиодокументација. Политичката партија ВМРО-ДПМНЕ претходно, во Општина Центар, не најави одржување на некаков настан. Секторот за инспекциски работи во Општина Центар поднесе пријава до политичката партија ВМРО-ДПМНЕ за нарушување на јавниот ред и мир“, стои во соопштението од Општина Центар.