Во надлежното јавно обвинителство во Скопје пристигнала кривичната пријава, поднесена од МВР, за сообраќајната несреќа во која загина малолетник, на раскрсницата од улиците Митрополит Теодосиј Гологанов и 9 Мај, во близина на Католичката црква, информираат од јавното обвинителство.
За несреќата е осомничено 20-годишното момче што управуваше со џипот, марка „фолксваген туарег“.
– Надлежниот јавен обвинител донесе наредба за спроведување на истрага против едно лице за сторено кривично дело – тешки дела против безбедноста на луѓето и имотот во сообраќајот – соопштуваат од обвинителството.
Основното јавно обвинителство – Скопје продолжува со активности за прибирање докази и за утврдување на причините за несреќата.