НСДП денеска во Скопје одржа седница на централниот одбор, на која било одлучено партијата да продолжи со учеството во коалицијата предводена од СДСМ и на претстојните локалните избори, кои ќе се одржат на 15 октомври.
„Беше констатирано дека општинските организации на партијата кадровски и оперативно се целосно подготвени да го дадат својот придонес за убедлива победа на кандидатите за градоначалници и листите за советници од коалицијата предводена од СДСМ. Со победата на локалните избори, почнатиот процес на реформи и декриминализација на институциите на системот ќе продолжи и на општинско ниво“, се вели во партиското соопштение.