Во близина на дебарското село Гари, денеска беше отворена фабриката за вода „Маја“.
Почетната инвестиција на хрватскиот инвеститор, компанијата „Мали Лошињ“, изнесуваше 300.000 евра, а проценетите 7,7 милиони евра инвестиција, достигнаа 14 милиони евра за овие три и пол години, колку што траеше процесот на реализација.
Моменталниот број на вработени е 25, а според најавите на инвеститорот, тој наскоро ќе се зголеми. Дневното производство на амбалажирана вода може да достигне и до 200.000 литри.
Произведената вода во оваа фабрика е првенствено наменета за извоз во соседните земји, арапските земји, Хрватска и во Русија.