Сообраќајот на државните патишта се одвива по влажни коловози, намалена видливост поради појава на магла, од 20 до 30 метри, има од Тетово до Шипковица и на планинскиот превој Ѓавато од 30 до 50 метри, информираат од Авто-мото сојузот.
Дожд врне низ целата земја, додека слаб снег провејува на Крива Паланка, Стража, Крушево, Буково, Ѓавато и Смојмирово.
АМСМ препорачува внимателно возење, прилагодена брзина на движење и почитување на поставената сообраќајна сигнализација.
Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.