Кошаркарите на МЗТ Скопје вечерва ја совладаа екипата на Куманово со 81-74 и со тоа се зацврстија на челната позиција на табелата во првата македонска кошаркарска лига, пренесува „Екипа“.
Клучна за победата на МЗТ беше третата четвртина од натпреварот, во која тимот од Аеродром со доминантна игра успеа да создаде предност, која ја задржа до самиот крај.
Најефикасен во тимот на МЗТ Скопје беше Сеад Шеховиќ со 26 поени, додека младиот Љубомир Младеновски постигна 13 поени за 14 минути игра, а на тоа додаде и седум скока, две блокади и една украдена топка.
Најдобар поединец во тимот на Куманово, со 18 постигнати поени, беше Урош Луковиќ.