Шеесет и двегодишен кочанец е осомничен дека измамил сограѓанин, од кого зел околу 50.000 американски долари, лажно ветувајќи дека ќе му помогне да замине во Австралија.
Како што информираат од полицијата, осомничениот Ф.С. (62), кон средината на минатиот месец, откако успеал да го убеди својот сограѓанин дека може да му обезбеди да замине во Австралија, го одвел во банка во градот, каде кочанецот подигнал 49.156 американски долари и 562 евра. Парите веднаш му ги дал на Ф.С., со кој оттогаш ниту се сретнале ниту, пак, кочанецот заминал за Австралија.
СВР Штип против Ф.С. поднел кривична пријава за измама.