Можностите што ги нуди албанското пристаниште Драч денеска беа презентирани пред македонски бизнисмени.
Презентацијата се одржа во Стопанска комора, а целта е да се понуди алтернатива на солунското пристаниште кое поради чести штрајкови и нефункционирање им создва проблеми на компаниите.
– Пристаништето во Драч географски и економски е доволно развиено и има добра положба. Имаме три значајни проекти, односно продлабочување на базенот на пристаништето, поврзување на пристаништето со железница и отворање на т.н. суво приустаниште – изјави директорот на пристаништето во Драч, Газменд Шалси.
Пристаништето Драч е оддалечено 243 километри од Битола, а 35 километри од Тирана.
Македонските компании трпеа големи штети поради штрајкот на работниците во пристаништето во Солун. Тие се соочија со кумулирање на трошоците за лежарина на стоките и на контејнерите, како и со дополнителни давачки за пристанишни услуги при преупатување на стоката преку други пристаништа, како Волос, Пиреја и Патра.