Охридската полиција поднела кривична пријава против З.Ц. (34), вработен во хотелот „Престол“, кој се товари за кривично дело затајување, инфромираше портпаролот на СВР Охрид, Стефан Димоски.
Осомничениот, како одговорно лице и потписник на сметката на охридскиот хотел „Престол“, приходите од свадби и од други веселби не ги прикажувал туку парите ги присвојувал за себе. На тој начин, фирмата која стопанисува со хотелот ја ставил во долгови и противправно прибавил корист од околу еден милион денари.
Пријавениот З.Ц. остварениот промет го внесувал како позајмица од негово име на сметка на хотелот, не ги плаќал набавките, а приходите од свадбите и од другите организирани забави не ги пријавувал.