Најмалку 11 лица се убиени на роденденска забава на една 15-годишна девојка во мексиканската држава Гереро, соопштија официјални претставници.
Гувернерот на Гереро, Ектор Астудиљо Флорес, рече дека насилството се случило на забава во местото Кундансито, на западот на државата. По пукањето, полицијата се обидела да интервенира, но и врз неа бил отворен оган.
Астудиљо Флорес рече дека детали од целиот случај ќе бидат префрлени во мексиканското обвинителство, но не рече дали некој е уапсен.
Пред две години, 43 студенти исчезнаа во државата Гереро.
Весникот „Ла хорнада“ објави дека најмалку 324 лица се убиени во оваа мексиканска држава, во периодот од октомври до декември минатата година, а повеќе се поврзани со трговија со дрога.