Лестер Бо Мекејлеб, македонскиот кошаркарски репрезентативец, денеска официјално потпиша договор со Баерн од Минхен. Тренерот на Баерн, Светислав Пешиќ, вели дека Бо најверојатно ќе дебитира во наредното коло од Бундес-лигата, а не утре на натпреварот со Барселона, кој е дуел од Евролигата. Плејмејкерот потпиша едномесечен договор, со можност за продолжување до крајот на сезоната. Минатата сезона Мекејлеб играше за Фенербахче, каде во просек бележеше по 11,9 поени, 3,2 скокови и по 2,5 асистенции на натпревар.
– Ја прифатив оваа понуда затоа што сметам дека Баерн е вистинскиот избор за мене. Подготвен сум да заиграм и се надевам дека ќе му помогнам на клубот – изјави Мекејлеб.