Тригодишната Медлин Мекен од Велика Британија која исчезна во 2007 година од хотел во местото Праја де Лус во Португалија, каде летувала со семејството, е во Парагвај, тврди таблоидот „Сан“ (The Sun).
Поради овие претпоставки, алармирани се четири полициски станици, Интерпол и агенциите задолжени за пронаоѓање киднапирани деца.
– Мојот тим доби информација дека Медлин веќе два месеци се наоѓа во Арегуа, град во Парагвај – вели Мираз Улах Али, кој работи на овој случај.
Засега овие информации се објавени само во таблоидите, но изминативе денови и други медиуми шпекулираа дека постојат нови информации за исчезнувањето на девојчето.