Жал ми, но јас не сум Шарли, изјави денеска основачот на француската десничарска партија Национален фронт, Жан Мари ле Пен, реагирајќи на нападот на сатиричниот неделник „Шарли ебдо“, во кој беа убиени 12 лица, вклучувајќи и осум новинари.
– Денес сите говорат „Јас сум Шарли“ и „Сите ние сме Шарли“. Жал ми е, но јас не сум Шарли – рече Ле Пен во видеоснимката објавена на неговата веб-страница.
Ле Пен изјави дека е потресен од смртта на 12 француски граѓани, но дека не се идентификува со идеологијата на неделникот.
– Нема да се борам да го одбранам духот на „Шарли“, анархистичко-троцкистичкиот дух кој се противи на политичкиот морал – рече Ле Пен, потсетувајќи дека сатиричниот неделник барал укинување на партијата Национален фронт.