Три турски полицајци загинаа во напад на полициско возило на југоистокот на земјата, во близина на границата со Ирак, од курдските бунтовници, соопштија безбедносните извори.
Југоистокот на Турција честопати е место на судири меѓу владините сили и на бунтовниците. Во обновените судири, по двогодишниот прекин на огнот меѓу државните сили и Работничката партија на Курдистан (ПКК), кои почнаа во јули, загинаа стотина лица.
Во два вчерашни инциденти, еден турски војник загина, а 20 се ранети. Пред осум дена, кога почнаа судирите во градот Силван, во покраината Дијарбакир, воведен е полициски час. Шест лица загинаа во судирите.