Министерството за образование и наука за академската 2017/2018 година ќе додели вкупно 2.890 стипендии на редовни студенти запишани на додипломски студии од прв циклус на јавните и приватните универзитети и високообразовни установи.
Ќе бидат доделени 1.500 стипендии за студенти од социјални категории, како и 630 стипендии за студенти кои постигнале особено висок успех во учењето.
За студентите запишани на студиските програми по информатика ќе бидат доделени 125 стипендии.
Петстотини и триесет стипендии се обезбедени за студенти запишани на студиски програми од научните подрачја на природно-математичките, техничко-технолошките, биотехничките и/или медицинските науки, додека 105 стипендии ќе бидат доделени на студенти запишани на студиски програми по хемија, физика и математика.
Висината на стипендијата за прва група – стипендии за студенти од социјални категории изнесува 3.300 денари месечно, за девет месеци во текот на студиската година.
Висината на стипендијата за втора група – стипендии за студенти кои постигнале особено висок успех во изнесува 4.400 денари месечно, за девет месеци во текот на студиската година.
Студентот кој конкурирал за два или повеќе групи на стипендии и ги исполнил условите за добивање, му се доделува стипендијата според приоритетот кој го направил во евидентниот лист.