Видео платформата „JW Player“ ја купи македонската компанија „Инплејер“, препознатлива по решенија за видео стриминг. Како што соопштија од компанијата, целта е JW Player да ги донесе на македонскиот пазар своите „решенија за монетизација и аналитика на корисниците“.
„Понудата на JWP вклучува видео хостинг и стриминг, алатки за рекламирање како и прецизна аналитика за една милијарда уникатни месечни гледачи, на 2,7 милијарди уникатни уреди во 200 земји ширум светот“, соопштуваат оттаму.