Претендентката за номинација за кандидат на Демократската партија на претседателските избори во САД, Хилари Клинтон изјави дека економската политика на Доналд Трамп ќе придонесе за намалување на платите, работните места и за зголемување на долгот.
Клинтон, обраќајќи се на конвенцијата на синдикатите во Детроит, рече дека Трамп би можел да ја доведе до банкрот Америка, како што тоа го направил со своите компании.
„Прашајте се, како некој кој држи казино може да изгуби пари – рече Клинтон.
Таа го критикуваше повикот на Трамп за депортација на милиони луѓе кои во САД живеат илегално.
– Тој зборува за протерување деца од земја во која се родени и за која единствено знаат – рече Клинтон.