Претседателот на Европската комисија Жан Клод Јункер денеска изјави дека заканите на Турција кон ЕУ нема да имаат ефект и ја повика Анкара да го испочитува својот дел од договорот со ЕУ, кој се однесува на спречување на приливот на мигранти.
– Очекуваме Турција да ги почитува своите обврски. Заканите не се најдобар дипломатски инструмент, кој може да се употреби. Затоа би требало да престане да ги користи, бидејќи тие нема да имаат никаков ефект, рече претседателот на Европската комисија.
Јункер повтори дека Турција ќе мора да ја стесни дефиницијата за тероризам и да ги измени строгите закони за антитероризам, доколку сака да добие визна либерализација.