Граѓаните на Турција од октомври ќе можат без визи да патуваат во Европската Унија само доколку Анката ги исполни сите услови, меѓу кои е и реформата на антитерористичките закони, изјави вчера на европскиот форум во Алпбах во Австрија, претседателот на Европската комисија, Жан-Клод Јункер.
– Прашањето за безвизните патувања, што е директно поврзано со спогодбата за решавање на прашањето на бегалците, може да биде применето од 1 октомври само доколку сите услови бидат задоволени – рече Јункер, додавајќи дека антитерористичките закони не можат да се користат за затворање интелектуалци, научници и новинари.
Министерот за надворешни работи на Турција, Мевлут Чавушоглу, претходно се закани дека официјална Анкара може да престане да помага во запирањето на бранот бегалци и мигранти кон Европа доколку ЕУ не ги ублажи прописите за патувања на Турците.