В петок, 19 декември, на полноќ, во дискотеката „Ескејп“ во Кочани, Јоце Панов ќе одржи хуманитарен концерт за помош на Даниел Митков, кој поради сообраќајна несреќа останал во количка.
– Кога ме побараа за да направам хуманитарен концерт за Даниел, единствен слободен датум до Божик ми беше 19 декември, а тоа е Св. Никола. Се надевам дека со Божја сила и со помош од хуманите луѓе во Кочани, а и пошироко, ќе направиме убав концерт и ќе ги собереме останатите потребни средства за да го испратиме веднаш Даниел на операција за повторно да трча и да игра фудбал. Даниел веќе една година се мачи да собере 25.000 евра за да отиде во Кина на операција, а му недостигаат уште малку и искрено се надевам дека наскоро ќе го видиме на нозе – раскажува Јоце Панов.
Даниел Митков настрада во сообраќајна несреќа во која доби тешки повреди на ’рбетниот столб и остана парализиран во долниот дел од телото. По неопходниот медицински третман во Македонија, потребен е третман со матични клетки и рехабилитација за подобрување на неговата состојба во Кина. Хируршкиот зафат и рехабилитацијата се закажани во „Даблју-Ју медикал центар“ (WU Medical Centar) во Пекинг, Кина, за кои се неопходни 25. 000 евра, средства кои неговото семејство не може да ги собере, па затоа побараа помош од хуманите луѓе, а Јоце одлучи да помогне.