Специјалната обвинителка, Катица Јанева, до Советот на обвинители доставила нов предлог со помал број помошници-обвинители од претходно побараните 14. Ова неофицијално го потврдија од Советот пред почетокот на седницата, на која ќе се расправа за изборот на тимот на Јанева.
Од Советот на обвинители не кажуваат за колку обвинители станува збор, а претседателот Петар Аневски, кратко, пред почетокот на седница, рече дека за околу еден час ќе биде донесена одлука и ќе ѝ биде соопштена на јавноста.