НАТО е загрижена поради изјавата на новиот американски претседател Доналд Трамп кој Северноатлантската алијанса ја нарече застарена, изјави шефот на германската дипломатија, Франк Валтер Штајнмаер.
– Изјавата на избраниот претседател Трамп, кој НАТО ја смета за застарена, е дочекана со загриженост – изјави Штајнмаер по средбата со генералниот секретар на НАТО, Јенс Столтенберг, и со другите колеги од ЕУ, во Брисел.
Доналд Трамп, кој в петок треба официјално да ја преземе должноста, за германскиот весник „Билд“ и за британскиот „Тајмс“ рече дека НАТО е „застарена организација“.
– Изјавата е во спротивност со тоа што идниот американски министер за одбрана пред само неколку дена го изјави на сослушувањето во Вашингтон – истакна Штајнмаер.