Во пожар ноќеска изгорел автомобил „голф 5“ во скопската населба Ченто. Како што соопшти СВР Скопје, 31-годишен скопјанец околу 1 часот по полноќ, го паркирал автомобилот на улицата Среќко Пужаљка, а во 2.40 часот бил известен од соседите дека автомобилот гори.
Повикана е Бригадата за противпожарна заштита Скопје, која пожарот го изгаснала околу 3 часот. Опожарен бил предниот дел на возилото и дел од внатрешноста.
Повредени луѓе нема, а се работи на утврдување на причините за пожарот.