Саудиска Арабија го користи нападот на својата амбасада во Техеран како изговор за поттикнување тензии, соопшти денеска иранското министерство за надворешни работи.
Официјален Ријад го прекина дипломатските односи со Иран по погубувањето на шиитскиот свештеник, шеикот Нимр ал Нимр и својата одлука ја објави синоќа, еден ден откако демонстрантите ја уништија нејзината амбасада во Техеран.
Во соопштението се истакнува дека Иран го штити своите дипломатски мисии во странство.
– Иран дејствуваше во согласност со своите дипломатски обврски за контрола на поширокиот бран на емоционално реагирање на својот народ. Саудиска Арабија ја користи ситуација за да го оправда порастот на тензиите – соопшти портпаролот на иранското министерство за надворешни работи, Хосеин Џабери Ансари.
Тој додаде дека иранските дипломати сè уште ја немаат напуштено Саудиска Арабија.
Саудискиот министер за надворешни работи, Адел ал Џубеир, додаде дека иранските дипломатите во рок од 48 часа мора да ја напуштат Саудиска Арабија.