Дванаесет лица загинаа откако ирачки воен авион случајно испуштил бомба над Багдад.
Портпаролот на војската, Ман Ибрахим, изјави дека техничка грешка довела до тоа авионот, марка „сухој“, да се расипе и да испушти бомба.
Авионот, кој е еден од неколкуте „сухои“ што ги користат ирачките сили во борбата со милитантите од Исламска држава, се враќал во базата кога се случил инцидентот.