Хрватската влада ја предложи потпретседателката на владата и претседателката на ХНС, Весна Пусиќ, за кандидатка за генерален секретар на Организацијата на обединетите нации.
Пусиќ сè уште нема јавна поддршка од претседателката Колинда Грабар-Китаровиќ, а таа е клучна. Пусиќ, сепак, се надева дека ќе ја добие таа поддршка.
– Хрватска во процесот на кандидирање има шанса да се покаже во добро светло и да добие поголема видливост – рече Пусиќ, додавајќи дека до декември ОН ќе разговараат со сите кандидати.
Одлуката, како што рече Пусиќ, ќе биде донесена следната година во овој период.