Холандскиот mинистер за надворешни работи, Берт Кундерс вчера му прати писмо со сочувство на шефот на македонската дипломатија Никола Попоски по повод разорните поплави во и околу Скопје и Тетово.
„Во име на Холандија, би сакал да го искажам своето искрено сочувство до владата и народот на Република Македонија. Нашите мисли се со оние кои загубија роднини и пријатели, со повредените и со оние кои ги загубија домовите“ – вели Кундерс во писмото.
Шефот на холандската дипломатија исто така им посака на граѓаните на Македонија сила и храброст во справувањето со последиците на оваа трагедија.